Lëvizja Socialiste për Integrim po zhvillon sot mbledhjen e parë të grupit parlamentar për sesionin e ri.
Gjatë fjalës së saj, kryetarja e LSI-së, Monika Kryemadhi ka rrëfyer se cilat nisma të qeverisë do i mbështesë partia e saj, si një parti opozitare.
Kryemadhi theksoi se do të mbështesë çdo iniciativë që lidhet me integrimin e Shqipërisë në BE, por edhe çdo iniciativë që ka të bëjë me përmirësimin e mirëqenies ekonomike të shqiptarëve.
Ndërkohë Kryemadhi shtoi se do të jetë vigjilente për çdo projektligj, duke theksuar ato të koncesioneve.
Fjala e Kryemadhit:
Grupi parlamentar do ketë angazhim të jashtëzakonshëm, pasi kemi një qeveri të vogël, e cila do të ketë korrupsion të madh.
Do jemi një grup parlamentar i cili do të votojë çdo iniciativë për integrimin e vendit.
Do të mbështesim po ashtu çdo iniciativë të zhvillimit ekonomik që ka të bëjë me qeverisjen.
Do mbajmë një qëndrim të jashtëzakonshëm për sa i përket pasurimit të jetës parlamentare, por do të jemi shumë vigjilentë për çdo iniciativë që fle për sa i përket koncesioneve.
Çdo deputet do jetë pjesëtar në këto komisione, mungesa është e patolerueshme.
Nuk ka asnjë lloj dileme, pozicionimi ynë si parti opozitare është shumë i qartë dhe kjo do bëjë që Shqipërisë t’i ofrohet opozita që i ka munguar prej shumë kohësh.
Policia e Shtetit ka qenë një nga bandat më të organizuara për blerjen e votës.
