Kryemadhi: LSI i ka dyert e hapura për çdo qytetar

Kryetarja e LSI-së, Monika Kryemadhi, ka zhvilluar një bashkëbisedim me banorë të njësisë 1 në kryeqytet.

Gjatë fjalës së saj, Kryemadhi deklaroi se Lëvizja Socialiste për Integrim i ka dyert e hapura për këdo që do të bëhet pjesë e vendimarrjes politike.

Kryemadhi theksoi se pandemia Rama po iu merr frymën qytetarëve, teksa shtoi se duhet të përmbyset sistemi i ngritur Rama, ku paratë shkojnë në duart e pak njerëzve.

Monika Kryemadhi: “Kam qenë dhe jam socialiste. LSI i ka dyert e hapua për çdo njeri që do të jetë pjesë e politikës, do të ndryshojë të ardhmen e tij. Përveç pandemisë së koronavirusit, kemi edhe pandeminë Rama, që po iu merr frymën njerëzve. Ka 7 vjet që bëhen premtime dhe zero realizime.

Ka projekte tredimensionale, por qytetarët nuk kanë mundësi të paguajnë faturën, nuk paguajmë dot ilaçet. Epo, kjo nuk është jetë. Nuk jetohet me frikën e një të çmenduri që rri mbi kokë shqiptarëve. Duhet të përmbysim Ramën si sistem. Shqiptarët duhet të mos ikin me vrap nga Shqipëria, por të kenë të ardhme të sigurt këtu”.