Kryemadhi: Koronavirusi u prodhua në laborator

Kryetarja e LSI, Monika Kryemadhi, e nisi debatin e saj në ‘Çim Peka LIVE’ me një replikë me gazetarin Bledian Koka, i cili sapo ka kaluar koronavirusin. Kryemadhi u shpreh se Koka mund të mos e ketë pasur fare virusin.

Gazetari u përgjigj duke thënë se ai beson se ekziston koronavirusi dhe se ka simptomat e tij. Ai tha se duhet bërë kujdes, kurse Kryemadhi tha se duhet të lahesh dhe të mbash higjienën personale.

Sipas saj, koronavirusi është prodhuar në laborator në Kinë, dhe se vetë Kina e ka pranuar këtë.  Kryemadhi insistoi se mbajtja e maskës nuk të shpëton nga virusi, por të rëndasishme janë vetëm higjiena dhe distancimi social.