Kryetarja e LSI-së, Monika Kryemadhi, në një takim të mbajtur me Këshillin Drejtues të LRI-së, e ka cilësuar qeverinë Rama si qeveri portali. Kryemadhi foli ndër të tjera për pagat, e ndërsa tha se kriza ekonomike ka pllakosur vendin. Ajo u ndal edhe tek mandatet e djegura e deputetët që kanë tradhtuar LSI-së. Sipas Kryemadhit, tradhtarin asnjë nuk e do.
“Shqiptarët janë bashkuar të gjithë bashkë, dhe nuk kanë dalë as për një parti politike, por kanë dalë për ekonominë, për familjet e tyre, për fëmijët e tyre. Shqiptarët janë larguar nga Shqipëria, për arsye të ndryshme. Në Shqipëri nuk mund të gjesh punë, edhe pagat janë qesharake, njerëzit nuk kanë marrë as pagën e 13-të, të cilën duhet ta merrnin me kod pune.
E për të mos folur më për qeverinë që është kthyer në një qeveri portali, për të cilën duhet të ankimosh në portal nëse do që të të zgjidhet problemi.
Po i them të gjithë atyre që kontaktojnë kandidatët e LSI-së, të mos guxojnë t’u afrohen se jo vetëm që nuk i keni afruar, por i keni mbajtur larg të rinjtë kur ata ju kanë kërkuar.
Logoja e LSI dhe flamuri i LSI janë simbole të paprekshme dhe të pacënueshme. Mëkatet e njerëzve që hyjnë e dalin në listat tona ne do t’i paguajmë, por edhe një gjë; tradhtinë të gjithë e përdorin, por tradhtarin asnjë nuk e do”, tha Kryemadhi.
