Pas mbledhjes së dy partive më të madha opozitare të cilat diskutuan për e protestën që do të mbahet nesër, në një prononcim për media Monika Kryemadhi, i është përgjigjur njoftimit të policisë e cila pak më parë bëri të ditur se simpatizantë të LSI-së do të shkaktojnë dhunë. Kështu, Kryemadhi i bëri thirrje të fortë ministrit të Brendshëm Fatmir Xhafaj, që policia të jetë e kujdesshme me njoftimet që jep, pasi në të kundër do të vuaj pasojat.
“Ftoj gratë dhe vajzat, gazetaret për të protestuar për fyerjen e madhe që Rama i ka bërë medias, duke i quajtur kazan. Prezentë të jenë me familjarët dhe fëmijët e tyre nuk ka për të pasur asnjë dhunë e protestës, e vetmja mund të jetë nga provokatorët, u kërkoj protestuesve të filmojnë cdo provokator, të jenë të kujdesshëm. Dhe ne nga ana jonë do të marrim masat. I bëj thirrje ministrit të Brendshëm, Xhafaj, të jetë i kujdesshëm me deklaratat që lëshon policia se do të ketë probleme, do përballet jo me LSI por me realitetin e dhimbshëm që po kalojnë shqiptarët”– tha ajo.
