Kryetarja e LSI-së Monika Kryemadhi, në një dalje për media është shprehur se mungesa e një kandidati nga Shoqëria Civile për Këshillin e Lartë të Prokurorisë, po pengon zgjedhjen e Prokurorit të Përgjithshëm. Ndërsa me tej, Kryemadhi, ka vijuar duke u shprehur se : “Njeriu që urren më shumë reformën në drejtësi është Edi Rama”.
“Dua të them që ambasadorë që janë në Shqipëri po bëjnë punën e tyre. Por, dua të theksoj që unë jam e bindur që asnjë ambasador nuk ka kërkuar shkeljen e Kushtetutës apo të ligjit shqiptar. Ndonjëherë “fobia”, që kemi ne si klasë politike ndaj ambasadorëve si për mirë dhe si për keq, ne ua delegojmë atyre problemet. Komisioni i sotshëm i ligjeve që bën sot seancën dëgjimore për zgjedhjen e kryeprokurorit të përkohshme është i paligjshëm.
Këshilli i Lartë i Prokurorisë bën dëgjesa më me kandidatët, dhe jo Komisioni i Ligjeve.
Por më tej Kryemadhi ngriti pyetjen se “Pse nuk është ngritur Këshilli i Lartë i Prokurorisë? Kjo jo për faj të opozitës dhe as për faj të LSI-së, por për faj të Shoqërisë Civile që nuk kanë dërguar një përfaqësues. Shoqëria Civile bashkë me partnerët ndërkombëtarë janë ata që nuk po japin anëtarin e tyre në Këshillin e Lartë të Prokurorisë.
Nëse do të zgjidhnim një prokuror të përkohshëm, ne nuk e kemi të parashtruar në Kushtetutë. Përderisa shoqëria civile nuk përgjigjet me një kandidat që nuk do të ngrihet SPAKU, nuk do të ngrihet KLP-ja dhe nuk do të ngrihet Byroja e Hetimit.
Ne mendojmë që të ecim përpara dhe ne momentin që Shoqëria Civile ka një emër kandidati të vijë dhe ta prezantojë. Kjo ngelet thjesht në mendim tonë.
Por, ne nuk mund të rrimë dhe të presim këtë Shoqërinë Civile e cila kontrollohet e gjitha nga Rama që të paraqesë kandidatin e saj. Ne nuk mund të mbetemi peng i Shoqërisë Civile. Politika i dha provat dhe është e gatshme. I vetmi segment që pengon zgjidhjen e Prokurorit të Përgjithshëm është Shoqëria Civile”-tha Kryemadhi. TIRANA TODAY
