Pas publikimit të përgjimeve nga “Bild”, kryetarja e LSI-së, Monika Kryemadhi, tha se tashmë u provua se Rama është kryeministër ilegjitim. Sipas saj, në këtë formë u vërtetua se zgjedhjet janë vjedhur, e ndërsa Rama është në krye të masakrës zgjedhore. Sikundër ka kërkuar në çdo dalje të saj, edhe një herë tjetër kryetarja e LSI-së kërkoi që Rama të japë dorëheqjen. Po kështu, ajo trumbetoi se opozita është më e vendosur se kurrë që të mos bëjë asnjë hap pas.
“Shkaku i vetem i nje krize te tille te shumanshme është Rama dhe Rilindja. U provua hapur se Rama është kryeminister ilegjitim. U provua totalisht se zgjedhjet janë ilegjitime. U provua 100% vjedhja dhe manipulimi i zgjedhjeve.
Edi Rama personalisht ne krye te masakrës zgjedhore. Dorëheqja e menjëhershme e Rames e pashmangshme. Përfshirja e krimineleve u faktua katerciperisht. Blerja e votave, damka e pashlyeshme e Rilindjes. Kërcënimet me vendin e punës për votat, praktikë e pisët e Rilindjes. Edi Rama kurrë më nuk mund te administroje zgjedhje. Rama është shkaku sepse dështoi hapja e negociatave për anëtarësim në BE.
Kriminalizimi i zgjedhjeve, i qeverisjes dhe korrupsioni i shfrenuar bllokuan integrimin. Largimi i Rames, detyrim për te shpëtuar Shqipërinë nga kaosi. Përçarja dhe konflikti i egër është synimi i vetëm i Edi Ramës.
Opozita është me e vendosur se kurrë qe te mos bëjë asnjë hap pas në luftën e saj për rikthimin e votës së lirë, dhe për të pastruar rrënjësisht vendin nga krimi i organizuar, trafikantet dhe korrupsioni pa fre. Qëndresa e opozitës është shpëtimi i vetem përball qeverise dhe Parlamentit te kriminalizuar”, tha ajo.
