Këtë javë, opozita nuk do jetë në Kuvend. Planet e opozitës i ka zbuluar kryetarja e LSI-së, Monika Kryemadhi, në emisionin ‘7pa5’, në “Vizion Plus”. Ajo është shprehur se opozita nuk do ketë më mbledhje të përbashkëta në rrethe, por aktivitete të tjera, dhe se do fillojnë përgatitjet për fushatën elektorale.
“Do të ketë aktivitete të tjera të të gjitha partive të opozitës, pasi opozita sot është në mazhorancë numerike. Rama është minorancë sot. Do të vinë hap pas hapi, do fillojmë konsultimet me strukturat e partisë, pastaj me qytetarët.
Sigurisht që ne nuk mund t’i lëmë një proces Ramës që të bëjë s’i të dojë, por strukturat e opozitës, ne si LSI kemi filluar përgatitjet për bashkitë”, tha ajo.
