Kryetarja e LSI, Monika Kryemadhi në një takim me gratë ka folur për forcën e gruas në vend.
Kryemadhi tha se nënat shqiptare duhet të luftojnë për të ardhmen e fëmijëve, ndërsa shtoi se në 30 vjet, tranzicioni politik i burrave nuk ka bërë asgjë për vendin.
Po ashtu, Kryemadhi hodhi akuza ndaj kryeministrit Rama për të cilin tha se shqiptarët do ia tregojnë vlerën dhe moralin.
“Shumë nga i ne i kemi dhënë zgjidhje jetës, kemi bërë zgjedhje diku të duhura diku të gabuara. Sa më shumë gra të jenë në politikë aq më pak kompromise do ketë në kurriz të vendit. Shqiptarët e kanë kuptuar se sa shumë gra dhe vajza ka në protestë. Po pati gra dhe vajza ka jetë. Gratë e LSI janë elementi më luftarak që ka LSI. Aty ku Edi Rama nuk njeh vlerën dhe moralin mos të çuditet kur shqiptarët t’ia tregojnë ato. Pas 30 vitesh tranzicioni politik i burrave nuk i dha Shqipërisë asgjë. Jam e bindur që angazhimi juaj nuk do mbetet vetëm te LGI por do jetë kudo për të folur me gratë dhe studentet. Na duhet një sistem i fortë për shqiptarët”, tha Kryemadhi.
