Një familje ka parë tmerr me sy, pasi 4 hajdutë kanë hyrë mbrëmjen e djeshme në shtëpinë e Engjellush Dinkallarit, për ta grabitur. Por ai ka shfaqur rezistencë. Kjo sjellje e tij ka pasur edhe pasoja, pasi është goditur me grushta. Jo vetëm ky, por maskat kanë dhunuar edhe kushëririn e tij, me qytën e automatikut.
Ngjarja, fatmirësisht pa pasoja për jetën ka ndodhur në Korçë, ku 4 persona ende të paidentifikuar hynë forcërisht në banesën e tyre për ti grabitur.
https://tiranatoday.com/rikthehen-maskat-grabitesit-plagosin-nje-prej-pjesetareve-te-familjes/
Në një prononcim për “Fax News”, kryefamiljari Dinkallari ka thënë se maskat, nën kërcënimin e armëve e kanë pyetur se ku janë paratë. Por ai u’a kishte prerë shkurt, duke u thënë se nuk kishte para dhe se kishin hyrë në banesën e gabuar.
Ai ka rrëfyer se është goditur me grusht nga njëri prej tyre, dhe i është marrë telefoni, pasi kishte tentuar të kërkonte ndihmë.
Po ashtu edhe kushëriri i parë i Dinkallarit është goditur nga grabitësit. Ai është dërguar në spital, pasi ka marrë plagë në syrin e majtë.
“Ka shumë goditje, në syrin e majtë, e kanë goditur me qytën e automatikut”, tha ai.
Dinkallari ka kërkuar ndihmën e policisë, që autorët të kapen sa më shpejtë.
“Unë që e kam jetuar dhe fëmijët e mi, e dimë çfarë tmerri ishte”, tha ai, ku nuk përjashtohej edhe një bilanc i rëndë.
