SHBA nuk hap rrugë, duke akuzuar vazhdimisht Kinën për koronavirusin. Duket se kjo betejë do të zgjasë për një kohë të pacaktuar. Donald Trump ka akuzuar Kinën, për mungesë të transparencës rreth pandemisë së koronavirusit. Një kryediplomat kinez ka kërkuar që ti jepet fund kësaj armiqësie.
Kryediplomati kinez, Wang Yi ka kërkuar nga SHBA që të ndalet. Po kështu që së bashku me Pekinin të bashkojnë forcat për të mposhtur koronavirusin. Këtë deklaratë e ka bërë në nje konferencë për mediat, ku dhe ka shprehur keqardhje për numrin e lartë të viktimave dhe të infektuarve në SHBA.
“Fatkeqësisht, krahas koronavirusit, një virus politik po ashtu është duke u përhapur në Shtetet e Bashkuara. Ky virus politik po përdorë çdo mundësi që të sulmojë Kinën. Disa politikanë kanë injoruar faktet më bazike, dhe kanë krijuar shumë të pavërteta rreth Kinës dhe kanë ngritur shumë konspiracione.
Dua t’ju them atyre: Mos humbisni më shumë kohë, mos i injoroni jetët e njerëzve. Ajo që duhet të bëjë Kina dhe SHBA-ja është që të mësojnë nga njëra-tjera në luftën kundër kësaj epidemie, dhe t’i ndihmojnë njëra-tjetrës që ta luftojnë atë”, tha ai.
