Ministri i jashtëm grek në Greqi, Nikos Dendias, pritet të mbërrijë nesër në Tiranë në kuadër të një vizite zyrtare.
Teksa pritet të mbërrijë kryediplomati grek, Nikos Dendias, një reagim ka ardhur nga PDIU, ndërsa ka ftuar qytetarët në protestë.
“Problemet me Greqinë zgjidhen me dinjitet, reciprocitet dhe dije. Tubim paqësor për çështjen çame, heqjen e ligjit të luftës dhe për 12 miljet detare shqiptare”.
Në axhendë është përcaktuar se Dendias do të takohet me ministrin e Jashtëm në detyrë, Gent Cakaj në Ministrinë e Jashtme. Më pas, ministri i Jashtëm i Greqisë do ketë një takim me kryeministrin Rama, ku pas takimit do të ketë edhe një konferencë të përbashkët për shtyp. Gjithashtu pritet të ketë edhe një takim me Presidentin Meta.
