Kryetari i ri i Bashkisë së Përrenjasit, Nuri Bela është betuar këtë të enjte, ndërsa u konstituua edhe Këshilli i ri Bashkiak. Në rrethanat politike të krijuara pas 30 qershorit, konstituimi nuk u krye në Bashki, por në ambientet e shkollës 9-vjeçare “Qybra Sokoli”.
Mirëpo, ish-kryebashkiakja, Miranda Rira e LSI-së është shprehur se nuk do ta lirojë zyrën , pasi i qëndron dekretit të presidentit Meta, duke i konsideruara kështu votimet e 30 qershorit të paligjshme.
“Nuk e liroj zyrën, jam në shërbim të qytetarëve. Jam në zbatim të dekretit të Presidentit të Republikës, qe saktëson se zgjedhjet lokale të 2019 do mbahen 13 tetor”, ka deklaruar Rira.
Ndër të tjera, ajo u shpreh se çdo tentativë për të dhunuar institucionin do ndiqet penalisht.
“Votimet e 30 qershorit të paligjshme, votime moniste të Rilindjes, pasi qytetarët nuk kishin alternativë në 30 qershor”, shtoi Rira.
