Pandemia e koronavirusit po shkakton dëme të cilat, askush nuk i kishte imagjinuar ndonjëherë më parë.
Më shumë se 566 mijë njerëz nga e gjithë bota janë infektuar nga Covid-19, ndërsa më shumë se 25 mijë persona kanë humbur jetën.
Virusi filloi rrezikshëm në Kinë, më pas në Evropë dhe tashmë ka mposhtur edhe SHBA-në, e cila numëron rastet më të shumta me koronavirus në botë.
Një ndër vendet më të rrezikuara duket të jetë New York, i cili ka pasur një rritje të shpejtë të numrit të rasteve brenda vetëm një jave.
Sipas Daily Mail, kryebashkiaku i New York, Bill de Blasio ka paralajmëruar njerëzit që të fillojnë përgatitjet pasi mund të qëndrojnë të mbyllur deri në fund të muajit maj.
Më herët, Blasio është shprehur se të paktën gjysma e banorëve të New York, që ka një popullsi prej 8.6 milionë njerëzish, do të preket nga koronavirusi.
Parashikimi i tij erdhi pasi hulumtimet nga Shkolla e Mjekësisë në Universitetin e Uashingtonit sugjeruan që 81,000 do të vriteshin nga virusi në SHBA dhe që pandemia nuk do të përfundojë deri në qershor.
