Nuk kanë të ndalur lëkundjet e tërmetit në Kroaci. Mëngjesin e sotëm, qyteti Petrinja në Kroaci është goditur nga një tërmet me magnitudë 4.2 të shkallës Rihter.
Tërmeti është regjistruar në orën 07:49, sipas Shërbimit Sizmologjik të Kroacisë.
Dridhjet u ndjenë në një zonë më të gjerë të vendit, përfshirë edhe Slloveninë.
Kroacia e nisi Vitin e Ri në vajtim pas tërmetit të madh me magnitudë 6.3 të shkallës Rihter mesditën e 29 dhjetorit.
Nga ky tërmet pati viktima, të lënduar dhe dëme kolosale.
7 viktima dhe 26 të plagosur, teksa pamjet filmike nga Kroacia ishin të ngjashme me ato të Shqipërisë në nëntor të 2019.
