Ambasadorja e Shteteve të Bashkuara të Amerikës në Tiranë, Yuri Kim, i ka shkuar Ramës në zyrë. Kjo lëvizje vjen në një kohë kur debati politik në vend është ndezur jo për shkak të pandemisë, por për vendimin e shembjes së Teatrit Kombëtar dhe hartimin e Reformës Zgjedhore.
Rritja e tensioneve mes palëve politike lidhur edhe me çështjen e Teatrit, ka sjellë edhe reagimin e menjëhershëm të ambasadores amerikane.
Duket se këto përplasje të vazhdueshme kanë detyruar ambasadoren e SHBA-ve, Yuri Kim të zhvillojë mesditën e sotme një takim në Kryeministri.
Reforma në Drejtësi, Reforma Zgjedhore, vendimi për prishjen e Teatrit, por edhe situata e menaxhimit të pandemisë, janë çështjet që po trazojnë politikën shqiptare.
