Ish-deputeti i PD, Ervin Salianji, duket se është kundër nismës për shtyrjen e datës së zgjedhjeve. Për të, kjo situatë nuk zgjidhet me shtyrje zgjedhjesh, por e vetmja zgjidhje është largimi i Ramës.
Në një intervistë në studion e “Top Talk”, Salianji u shpreh se Meta mund të ketë tagrin për të gjetur zgjidhje, por kjo krizë nuk zgjidhet pa largimin e Edi Ramës.
“Padiskutim që të të gjitha propozimet që dalin nga tryezat e koalicionit janë të përbashkëta. Por kjo është një qasje e partive të tjera që përbëjnë koalicionin opozitar.
Kjo është për t’u diskutuar si qëndrim partiak, por në mendimin tim personal, kjo nuk zgjidhet me shtyrje zgjedhjesh. Nuk i jep zgjidhje krizës politike, sociale në të cilën ndodhet Shqipëria.
E vetmja zgjedhje është largimi i Edi Ramës. Nuk e di nëse në një moment padiskutim përplasjeje, apo situate që mund të shkojë në përplasje, Presidenti i Republikës mund të ketë tagrin për të gjetur zgjidhje, për të lënë hapësira për të gjetur rrugëzgjidhje.
Por padyshim që kjo krizë nuk zgjidhet pa largimin e Edi Ramës. Sepse siç e shihni, Rama edhe pse ndodhet në këtë situatë, nuk ndalet fare. Javën e ardhshme kalon 320 milionë euro për rrugën Milot-Balldren dhe Orikum-Dukat”.
