Luana Vjollca nuk duhet të këndojë më! Kështu ka deklaruar kritikja e muzikës, Elena Skënderi, gjatë një interviste për KafeIN.
Gjatë bisedës me moderatorin Flavio Qarri, Skënderi u pyet mbi eksperiencën e Luanës si këngëtare, ndërsa reagimi i saj ishte:
“Nuk do dëgjoja këngët me tre nota, me tre fjalë apo klipet që japin vetëm pamje e s’thonë asgjë. Psh Luana Vjollca s’do më pëlqente të ishte në muzikë”, tha kritikja Elena Skënderi.
Skënderi tha po ashtu se tekstet e muzikës hip-hop lënë për të dëshiruar.
“Gjuha shqipe sidomos në muzikën rep është bastarduar. Dhe fjalët ndaj femrës e ulin figurën e femrës. Por këto këngë ndiqen shumë nga të rinjtë e adoleshentët dhe është e frikshme të dëgjosh një fëmi të këndojë këngën e Noizit e të përsërisë fjalët e tij ndonëse nuk i kupton”, tha kritikja Elena Skënderi.
