Ky është Dilaver Veshaj, i cili tre ditë më parë vrau kushëririn e tij, Arben Veshaj, në sy të djalit 7-vjeçar. Gjykata e Vlorës ka dhënë arrest me burg për Dilaver Veshajn, autori i krimit makabër ku mbeti i vrarë Arben Veshaj, kushëriri i tij. Ngjarja ndodhi ne fshatin Gumenicë të Vlorës ditën e shtunë.
Siç bëhet me dije, autori e ka qëlluar me pistolete dhe pastaj me sëpatë viktimën, që e kishte kushëri. Akuza që është ngritur për të arrestuarin janë, vrasje me dashje dhe armëmbajtje pa leje.
Autori i krimit gjatë seancës së zhvilluar me dyer të mbyllura i ka thënë gjykatës se gjatë kësaj kohë nuk ka qenë mirë dhe pas kësaj nuk ka thënë asnjë fjalë tjetër.
Sipas prokurorisë, Dilaver Veshaj pas një konflikti për pronën, ka qëlluar disa herë me sëpatë në kokë të afërmin e tij. 37-vjeçari Arben veshja ka mbetur i vdekur në vend, ndërsa e gjithë skena është parë nga djali i tij vetëm 7 vjeç.
Ngjarja ndodhi të shtunën në fshatin Gumenicë, aty ku jetonin dy kushërinjtë Veshaj. Policia arriti ta arrestojë autorin disa orë pas vrasjes dhe sekuestroi sëpatën me të cilin kreu krimin.
