Kryeministri Rama ka folur edhe për shkrimin e revistës gjermane “Stern”, e cila tregonte se si funksiononte tregu i drogës. Gjithashtu një polic gjerman, deklaroi ditë më parë se shqiptarët kanë një shtet maskarenjsh, por duke i quajtur edhe shqiptarët të tillë.
Për këtë Rama theksoi se s’mund të pranohen deklarata të tilla. Kreu i qeverisë tha se të shënjestrosh një etni, e cila është më e dobët për shkak të disa faktorëve është anormale.
Ndërsa Rama sulmoi edhe raportet e Holandës, të cilat kishin si kryefjalë grupet kriminale etnike shqiptare. Rama tha se drogën nuk e shpikën shqiptarët dh e këto nuk mund të adresojnë gjëra të cilat nuk kemi lidhje dominuese me ta. Ndërkohë Rama tha se nëse besojmë fjalët se shqiptarët janë bërë kaq të rrezikshëm dhe po drejtojnë drogën, kjo sipas tij, bota paska marrë fund.
Deklarata e Ramës
“Pikërisht se ai është një maskara që na quan edhe ne maskarenj. Ai nuk meriton të hyjë në një bisedë mes dy shqiptarësh. Sepse nuk dua ta pranoj që një etni të kriminalizohet dhe mbi të gjitha që shqiptarët janë në një pozicion më të dobët, dhe t’ju hidhen fajet.
Patjetër që ka rrjete kriminale shqiptare, kujt ia tregojnë këtë. Më këtë flasin, me gazetarët me policë. Apo si ata në Holandë që bëjnë raporte për krimin etnik shqiptar. Pse? Kjo për të krijuar dhe justifikuar histori që vijnë më mbrapa. Të mendosh se shqiptarët janë bota e krimit sot, dhe të mendosh se shqiptarët kanë qenë kaq fenomenalë në 25 vite. Të mendosh se pushtuan botën shqiptarët me kriminalë dhe këto drejtojnë rrjetet, bota paska marrë fund”-tha Rama.
