Kreu i Bindjes Demokratike, Astrit Patozi, thotë se fragmentarizimi i PD mund t’i sjelli dobi Shqipërisë.
Sipas tij, edhe nëse PD “thërrmohet fare, ndoshta nuk i bëhet keq vendit”.
Patozi hodhi akuza në drejtim të kreut të PD-së, Lulzim Bashës, si përgjegjës për hemorragjinë në parti.
“Çështja e fragmentarizimit të së djathtës nuk duhet të ketë konotacion negativ se mbase mund të dali dhe më mirë. PD e ka këtë problem, se e djathta është e përfaqësuar me parti të tjera më të vogla. Edhe nëse PD thërrmohet fare, ndoshta nuk i bëhet keq vendit.
Fragmentarizimi mund t’i sjelli dobi Shqipërisë. Shkaqet dhe arsyet janë sepse, sidomos në 7 vitetet e fundit, për shkak të lidershipit të dobët të Lulzim Bashës, PD ka pësuar këtë, ka pasur hemorragji të tmerrshme. Sot jemi në një fazë të re, lidershipi i gabuar dhe i kompromentuar e ka sjelle këtë. Nuk ka asnjë problem që PD të fragmentarizohet, për Shqipërinë mund të jetë më mirë”, tha Patozi në ‘Open’.
