Kreu i Task Forcës dhe njëherësh Inspektori i Përgjithshëm i Republikës, Shkëlqim Hajdari është infektuar me Covid-19.
Në një lidhje përmes ”Skype’’, në rubrikën ‘Opinion’ me gazetaren Ola Bruko, Hajdari rrëfeu eksperiencën e tij me këtë sëmundje.
Ai tha se u infektua nga bashkëshortja e tij, e cila gjithashtu infektoi dhe nënën e saj, por fatmirësisht ata ndodhen në gjendje të mirë shëndetësore dhe të karantinuar në banesë.
Shkëlqim Hajdari: ”Ndihem shumë mirë. Unë u infektova nga bashkëshortja. Në fillim ishte infektuar ajo, më pas unë u karantinova, bëra testin dhe rezultova pozitiv. Ne jemi mirë, bashkëshortja është më mirë se unë. Edhe unë jam mirë, kemi ndenjur në banesë duke respektuar protokollet. Nëna e bashkëshortes, rreth 80 vjeçe me sëmundje bashkëshoqëruese, e ka marrë veten dhe është mirë. Që nga muaji mars kam qenë në çdo zonë të Shqipërisë ku kam kërkuar respektimin e masave. Por, tani u infektova edhe unë. Covidi nuk është për t’u trembur. Kushdo që infektohet duhet të kontaktojë mjekun e familjes dhe të marrë mjekimin e duhur.”
Hajdari u shpreh se inspektorët janë në gatishmëri dhe ndodhen në terren për të parë nga afër zbatimin e masave anti-covid.
Sipas tij, vendimi i Komitetit Teknik të Ekspertëve, për kufizimin e lëvizjes, është një masë normale dhe duhet respektuar.
Shkëlqim Hajdari: ”Para 3 javësh, kryeminstri ka pasur një takim me drejtuesit kryesorë të inspektoriateve. Sot në Tiranë dhe në qytetet kryesore në vend, nuk ka më trima që nuk zbatojnë masat si vendosja e maskës dhe distancimi social. Inspektoriatët e Task Forcës janë çdo ditë në terren. Ata po bëjnë një punë të shkëlqyer. Njerëzit nuk duhet të kenë frikë, shumica do e kalojnë covidin. Ata që shfaqin simptoma duhet menjëherë të karantinohen. Masa e marrë për mbyllen pas orës 22 :00, është një masë normale. Kryeministri Rama dje ka deklaruar që do fuqizohet roli i mjekut të familjes, për të shmangur panikun te njerëzit dhe në spitale.”
Hajdari tha se të gjithë të infektuarit duhet të kontaktojnë fillimisht me mjekët e familjes, pa u dyndur nëpër spitale.
Shkëlqim Hajdari: ”Historia e çdo njeriu që telefonin 127-ën dhe mendon se është për spital, do të përfundojë. Në spital do shkojë ai pacient. i cili do të rekomandohet nga mjeku i familjes. Fuqizimi i rolit të mjekut të familjes ështe hap i rëndësishëm.
Marrëdhënia me mjekun e familjes ka qenë në distancë. Kemi bërë anazliat që ajo ka pasur nevojë për të ndjekur. Situata e rëndë që kemi në spitale, e zhvillon covidin shumë, dhe nëse njeriu kapet nga makthi, covidi bën qejf. Ne duhet t’i marrim studentët e mjekësisë dhe infermierisë, i bëj thirrje atyre që të jenë gati, të veshin bluzat e bardha dhe të japin shërbimin e tyre në spitale covid 1 dhe 3.”
