Kreu i Organizatës Botërore e Shëndetësisë, Tedros Adhanom Ghebreyesus, është shprehur i shqetësuar pasi varianti Delta i Covid ka prekur 98 vende të botës. Varianti indian i koronavirusit ka njohur një shtrirje të madhe.
Ai kërkoi që qeveritë dhe autoritetet shëndetësisë të jenë të kujdesshme me lehtësimin e masave, pasi është vënë re se varianti Delta po vijon të ndryshojë.
Kreu i OBSH-së paralajmëroi se ky variant do të bëhet shumë shpejt mbizotërues në të gjithë botën, dhe vende të caktuara mund të hyjnë në një tjetër fazë të rrezikshme të pandemisë.
Varianti Delta u shfaq fillimisht në Indi, dhe konsiderohet më ngjitës se virusi tradicional. Ekspertët thonë se mbrojtja më e mirë është marrja e një vaksine.
