Kreu i LDK-së, Isa Mustafa deklaroi së fundmi se ditën e nesërme do të mbledhë kryesinë e partisë dhe do të merret vendimi për kandidatin për kryeministër.
Pas takimit që liderët politikë patën me Presidentin Hashim Thaçi, Mustafa tha se janë të gatshëm ta formojnë Qeverinë.
“Si LDK jemi shprehur edhe më parë se jemi të gatshëm ta marrim përgjegjësinë, jo pse jemi të etur për pushtet në këtë situatë të vështirë, por se konsiderojmë se ekzistojmë si parti politike që t’i shërbejmë vendit”, deklaroi Mustafa.
“Ne nesër do ta mbledhim kryesinë ku do të diskutojmë për mandatarin. Do ta konsultojmë me Këshillin e Përgjithshëm dhe do ta marrim miratimin e tij.
Kur të përfundojë kjo, do ta kemi edhe një cikël me partnerët, e më pas do të argumentojmë te Presidenti se e kemi shumicën”, vijoi ai.
