Marrëdhëniet politike midis Shqipërisë dhe Greqisë në disa rasteve kanë qenë të acaruara dhe për pasojë shpesh ka pasur probleme për emigrantët shqiptarë që jetojnë në Greqi.
Klima e marrëdhënieve politike shpesh zbriste edhe në popullin grek kur shqiptarët shikohen me përçmim.
Nuk janë të pakta rastet kur fëmijët shqiptarë kanë shkëlqyer në shkollat greke por atyre nuk u është lejuar që të ngrenë flamurin grek, ashtu si e kërkon tradita e këtij shteti në festën e Pavarësisë.
Këtë vit situata ka ndryshuar. Grekët kanë pranuar talentin e nxënësve shqiptar duke pranuar që ata të mbajnë flamurin. Këtë herë lajmi i mirë vjen nga Kreta.
Nxënësi shqiptar Valdrin Pecaj, me origjinë nga Tropoja, i cili është me rezultate të shkëlqyera në mësime, ka ngritur flamurin e shkollës së tij në qytetin Chania në Kretë. Shqiptari 12-vjeçar parakalon në qytet me flamur duke bërë krenar prindërit dhe të gjithë bashkëmoshatarët e tij shqiptarë dhe grekë që jetojnë në atë qytet.
Në paradë morën pjesë nxënësit e arsimit fillor dhe të mesëm dhe studentët. Në qiell parada u shoqërua nga katër avionëve luftarakë “115 AM” të ushtrisë greke.
Çdo 25 mars në të gjithë Greqinë festohet Dita e Pavarësisë së këtij shteti i cili u shkëput nga perandoria Osmane në vitin 1821.
