Pasditen e sotme, një aksident automobilistik i ka marrë jetën një shqiptari që jetonte në Kretë të Greqisë.
Mediat lokale greke raportojnë se aksidenti ka ndodhur rreth orës 16.00 në rrugën “Akrotiri” në Chania.
Sipas informacioneve të para mësohet se viktima është një shqiptar 48 vjeç, identiteti i të cilit nuk bëhet me dije është përplasur me një automjet teksa ishte duke drejtuar një motor.
Mediat greke shkruajnë se 48-vjeçari humbi jetën, teksa po transportohej në spital nga ekipet e ndihmës së shpejtë, që u thirrën në vendngjarje pas aksidentit. Shqiptari u transportua i pajetë në spitalin e Chania.
