Ish-kreu i Aleancës Kuq e Zi, Kreshnik Spahiu, ka shprehur opinionin e tij në lidhje me trazirat që kanë përfshirë grupin parlamentar demokrat. Përmes një postimi të gjatë në rrjetin social Facebook, Spahiu shprehet se “arkitekti” i këtij plani për të shkarkuar Rudina Hajdarin, ka qenë ish kryeministri Sali Berisha, duke shtuar se mes tyre ka ndodhur dhe një takim i fshehtë. Ai shkruan që në krye të herës se takimi aspak publik ka ndodhur para një muaji, ku Rudina Hajdari ka vizituar zyrën e Berishës.
Statusi
Fundi i Rudinës dhe opozita e “Hajdarve”
Nga Kreshnik Spahiu*.
Para 1 muaji Rudina Hajdari vizitoi zyrën private të Sali Berishës. Takimi nuk ishte publik dhe aspak transparent. Pa u zgjatur isha i bindur që nuk do zgjasnin disa javë që Rudina të binte në kurth, nga ato që vetëm Berisha di të inskenoj.
Pas 2017 jam takuar vetëm një herë me Rudina Hajdarin.
Ishte momenti kur nga Brukseli dhe Uashingtoni ajo merrte mesazhet që mos digjte mandatin dhe krijonte një fraksion të ri opozitar.
Folëm shkurt mbi situatën dhe mundësitë e njerëzve reformator që mund ta mbështesnin kauzën e saj.
U mundova të jem i prerë dhe ta kundërshtoja në projektin dhe idetë e saj duke e përmbledhur në një fjali:
“Ti Rudina duhet ndërtosh një strategji mbi dhe kundër të gjitha partive të vjetra dhe jo të bëhesh fraksion brenda PD”.
U përpoqa ta bind që çdo tentativë apo fraksion brenda PD ka dështuar sepse ajo parti është biznes “shpk” e Sali Berishës dhe ky i fundit e ka hipotekuar. Ai do vdes duke e marr vulën e partisë me vete dhe Lulzim Bashën e ka vënë si figurant.
I rekomandova mos merrej me Lulzim Bashën sepse nuk është kryetar por të ndërtonte një grupim të ri me vajza dhe djem jashtë PD.
Rudina këmbëngulte që duhet bënte një grupim me deputet demokrat dhe ky ishte jo vetëm vendimi fatal i saj por dhe gabimi i mungesës eksperiencës.
Rudina ishte ende e brishtë dhe kërkonte të krijonte grupin e saj me peshkaqen 30 vite në politik.
Rudina ende nuk e kish kuptuar që vendet bosh në parlament po plotësoheshin nga listat me deputet që i komandonte Berisha dhe Meta.
Ajo nuk donte ta besonte këtë të vërtet pavarësisht faktit që Partia Demokratike përjashtoi vetëm Rudinëm për mos djegie mandati dhe jo deputetët e tjerë që hyn në Kuvend.
Sot po shoh në rrjete sociale që kanë filluar proçedirat e shkarkimit të Rudinës dhe me kaq filmi mbaron.
Këtu mbyllet edhe seria e fundit e telenovelës ndërkombëtarëve që me naivitetin e tyre ëndërruan që dy peshqit e mëdhenj Meta dhe Berisha mund peshkohen dhe mbyllen në rezervat duke krijuar opozitën e re të drejtuar nga Rudina.
Ëashingtoni dhe Brukseli nuk arritën ta kuptojnë që Rudina nuk mund të bëj një ushtri me “Hajdar” sepse ata kanë qenë dhe janë kamikaz që shpërthejnë me telekomand nga dyshja Meta-Berisha!
Jo se ata kanë frikë Rudinën por kanë frikë nga reforma në drejtësi e cila pa votat e grupit Rudinës nuk mund të kalohet në parlament.
Uashingtoni dhe Brukseli gabuan dhe krijuan iluzion që menduan se do i bējnë opozitë Edi Ramës me Rudinën dhe do asgjësojnë establishmentin e vjetër me grupimin e “Hajdarve”.
Tani për hir të miqësisë 30 vjeçare më duhet ti dërgoj një SMS vajzës së Azemit.
“E dashur Rudina,
Të pata paralajmëruar kujdes nga besë-prerët sepse tash vetēm emri të ka ngel pasi mbiemrin ta kanë vrarë bash në oborrin e PD.
Mos kalo dy herë tek i njëjti shteg ku nxorën në prit babain tënd”.
