Britanikja “The Sun”, sërish ka shkruar një artikull për jetën e shqiptarëve në Burgjet e Anglisë. Më parë kishte postuar një video ku fliste se si shqiptarët sfidonin autoritete dhe tymosnin drogë dhe duhan nëpër burgje. Ndërsa sot në artikullin e saj ajo ka publikuar një foto ku thotë se janë tre shqiptarë të cilët janë bërë bashkë në burg duke shijuar darkën e Krishtlindjeve. 
Në tavolinë ata kanë ushqime të ndryshme, ndërsa imazhet janë publikuar nga burgu i burrave në Holme House në Stockton-on-Tees, Co Durham.
Sipas “The Sun”, ata e kanë postuar foton në rrjete sociale duke ndarë kështu dhe gëzimin në mungesë të lirisë.
Ndërsa mbi foto ata shkruanin: “Duke i uruar të gjithë shqiptarëve gëzuar Krishtlindjet”.
Një prej tyre mendohet të jetë Ramadan Doçi, i cili është dënuar me gjashtë vjet për trafik droge këtë muaj.
Ndërsa komentet nga ana e shqiptarëve në rrjetin social kanë qenë të shumta.
Por njëri komentuesve i shkroi: “me krenari po shlyejnë dënimin e tyre”, dhe mesa duket në burg ata përdorin një telefon të paligjshëm. Shërbimi i Burgjeve tha se ata do të ndëshkohen.
Vendimi vjen disa ditë pasi Gjykata Supreme vendosi se shqiptarët që gënjyen se ishin refugjatë kosovarë mund të qëndronin në Britani. TIRANA TODAY
