Ambasadorja e SHBA-ve, Yuri Kim ka komentuar arritjen e marrëveshjes mes palëve për Reformën Zgjedhore.
Në një prononcim për mediat në përfundim të mbledhjes, Yuri Kim tha se palët vendosën të dakordësohen për administratën zgjedhore. Ajo u shpreh krenare për këtë marrëveshje, duke theksuar se të gjitha palët lëshuan diçka nga vetja për të mirën e Shqipërisë.
“Jemi shumë të kënaqur që Këshilli Politik mori këtë vendim dhe u bë kjo marrëveshje e rëndësishme. Të gjitha palët kanë dhënë kontributet e tyre, por kanë hequr dorë, e kanë dhënë diçka që Shqipëria të përfitojë. Disa do ta kritikojnë si jo të mjaftueshme këtë marrëveshje, por po ta shikojmë në një kuadër më të gjerë, kjo është një gjë për të cilin të gjithë më pas do japim mbështetjen e tyre. Sa i përket SHBA ne jemi krenarë për këtë marrëveshje do ju mbështesim në rrugën e integrimit evropian”, tha ajo.
