Politologu Afrim Krasniqi deklaroi sonte se qeveria gjermane ka dërguar drejt Shqipërisë një listë me afër 300 kriminelë shqiptarë, por u tronditën nga fakti që një numër i madh i tyre janë biznesmenë në Shqipëri. I ftuar në “Tonight Ilva Tare” në Ora News, Krasniqi thotë se nuk ka pasur asnjë reagim nga qeveria shqiptare. Ai tha se një pjesë e mirë e ketyre kriminelëve kanë nën pronësi lojërat e fatit zakonisht dhe bizneset e ndërtimit.
“Unë di që shteti gjerman ka dërguar një listë me afër 300 individë që kanë ushtruar aktivitet kriminal në Gjermani dhe aktivitet kriminal të rëndë dhe janë shokuar nga fakti që një numër i madh i tyre janë biznesmenë në Shqipëri dhe nuk ka reagim nga institucionet shqiptare. Debati i madh në lidhje me identitetin e individit, ndryshimi i emrave, shteti i ka këto mundësi. Itali ka pasur dosje politikanësh dhe i ka ruajtur për t’i përdorur në momente të caktuara. Parimi italian ka qenë gjithmonë i njëjtë, ne i dënojmë individët dhe largojmë nga Itali. Për sa kohë nuk janë brenda vendit nuk përbëjnë kërcënim. Në dijeninë time pjesa më e madhe e tyre nuk janë kapur. Pi kafe në mes të Tiranës. Kanë lojërat e fatit zakonisht dhe biznes ndërtimi,” deklaroi Krasniqi.
