Avokati i njohur, Spartak Ngjela deklaroi se ish-kryeministri Sali Berisha nuk duhet të jetë pjesë e Kuvendit të dalë nga zgjedhjet parlamentare të 25 prillit. Deklarata e Ngjelës u bë mbrëmjen e sotme në emisionin ”Repolitix”.
Sipas Ngjelës, ligji i dekriminalizimit e pengon Berishën që të shkojë në Kuvend në muajin shtator. Ndër të tjera, Ngjela u shpreh se nuk është diçka e vogël që e gjithë familja Berisha u shpall ”non grata” nga SHBA-të.
Ndër të tjera, Ngjela tha se Komisioni Qendror i Zgjedhjeve nuk do t’i japë mandatin ish-kryeministrit Berisha.
“Kemi njërin që është “non-grata”, me gjithë familjen. E keni dëgjuar deklaratën e Blinken? E pra, është “non-grata” dhe KQZ në bazë të këtij neni të shpalljes “non-grata” nuk duhet t’i japë Berishës mandatin e deputetit. Në shtator ai nuk duhet të jetë në parlament. Vetëm nga ajo deklaratë e kap neni që nuk e lejon të hyjë në parlament”, tha Ngjela.
