Dhionisis Alfred Beleri, dërgoi në Komisionit Qendror të Zgjedhjeve kërkesën për të kandiduar në bashkinë e Himarës, por iu refuzua. Beleri kundërshton vendimin dhe e konsideron atë të njëanshëm.
Ai thotë se vonesa në zbardhjen e plotë të vendimit, është e qëllimshme për ta penguar atë për ankimin në Kolegjin Zgjedhor.
KQZ-ja nuk e regjistroi si kandidat për bashkinë e Himarës në zgjedhjet lokale të këtij viti, me pretendimin se Beleri nuk kishte mbushur periudhën e rehabilitimit nga një dënim disa vite më parë.
“Vonesa e qëllimshme ne zbardhjen e vendimit dukshëm është një mënyrë për të më mohuar mua te drejtën kushtetuese te ankimimit ne Kolegjin Zgjedhor të Shqipërisë dhe nga ana tjetër është një mënyrë që media te caktuara te abuzojnë lidhur me lajmin duke publikuar te dhëna te pa vërteta ose fakte te shtrembëruara lidhur me figurën time dhe kandidatin për Kryetar Bashkie ne Himare.
Refuzimi nga KQZ i kandidaturës time prish procesin e votimit ne Bashkinë Himarë dhe cenon rende standardet zgjedhore duke i dhënë mundësinë kandidatit te PS te garoje i vetëm dhe pa kundërshtare. I bej thirrje KQZ te me japë te zbardhur vendimin konform Kodit Zgjedhor dhe te heq dore nga pazaret politike ne dem te zgjedhësve himarjotë”, thuhet në reagim.
