Gjashtë deputetë të opozitës pritet të marrin mandatin të hënën nga Komisioni Qendror i Zgjedhjeve, për të qenë më pas pjesë e Kuvendit të Shqipërisë.
Tashmë opozita e re numëron 4 deputetë të LSI-së, ndërsa gjashtë të tjerë pritet të marrin mandatin teksa kanë dorëzuar në KQZ formularin e vetëdeklarimit.
Pas djegies së mandateve nga opozita, deputetët që priten të marrin mandatin për t’iu bashkuar Kuvendit, janë Efter Maliqi, Majlinda Halilaj, Ediola Braha, Edlira Hyseni, Elda Hoti dhe Ligoraq Karamelo.
