Libri me biografinë e Presidentit të Kosovës Hashim Thaçi tashmë ka gjetur dritën e botimit. Gazetarët anglezë kanë shkruan një libër për biografinë e Thaçit, ndërsa për këtë janë marrë në intervistë edhe shumë njerëz të tjerë, përfshirë këtu edhe prindërit e tij.
Përmes një statusi në “Facebook” Thaçi shkruan se këtë libër ua ka bërë dhuratë prindërve të tij, pasi edhe ata janë intervistuar nga autorët e biografisë.
Tani, sipas tij, edhe pse prindërit e tij nuk dinë anglisht, ata janë kënaqur duke i përkujtuar së bashku momentet e gëzimit dhe pikëllimit të familjes, të shprehura në fjalë dhe fotografi në këtë libër.
Statusi i Thaçit
“Pata kënaqësinë t’ja përcjelli një dhuratë prindërve nga gazetarët anglezë të biografisë sime. Edhe nëna dhe babai u intervistuan gjerësisht për këtë libër nga autorët. Ata nuk kanë pasur mundësinë të mësojnë anglishten por sot patëm arsye t’i rikujtojmë momentet e gëzimit dhe pikëllimit të familjes sonë, të shprehura në fjalë dhe fotografi në këtë libër. HTH”- ka shkruar Thaçi.
