Klinika Infektive në Kosovë ka bërë me dije se një tjetër person ka humbur jetën nga koronavirusi.
Përmes një njoftimi për mediat, Klinika sqaron se bëhet fjalë për një 63-vjeçare nga Dragashi. E moshuara vuante edhe nga sëmundje të tjera shoqëruese.
“Në orët e mëngjesit ka ndërruar jetë pacientja e lindur me 1957 nga komuna e Dragashit, e cila veç infeksionit me COVID-19, ka pasur edhe sëmundje kronike të veshkave dhe sëmundje tjera shoqëruese”, thuhet në njoftim.
Kështu shkon në 27 numri total i personave që kanë humbur jetën nga koronavirusi në Kosovë. Deri më tani, ne vendin fqinj janë shënuar 860 raste me koronavirus, ndërsa 533 prej tyre janë shëruar.
