Një grup vullnetarësh në Kosovë kanë vendosur disa flamuj shqiptarë në Podujevë në kuadër të festës së 28-nëntorit.
Sipas gazetës Express, përveç festës në fjalë këto flamuj i janë dedikuar edhe të ndjerit kapitenit të Forcës së Sigurisë të Kosovës, Baki Ejupi.
Baki Ejupi, i cili ndërroi jetë disa javë më parë, ishte ai i cili i vendoste flamujt kombëtarë në Podujevë në prag të festave.
Në nderim të veprës së tij, kjo iniciativë ka vazhduar edhe për këtë 28 nëntor. Mësohet se gjatë ditës janë vendosur rreth 300 flamuj, nga Podujeva në drejtim të fshatrave që çojnë në Merdare.
