Zyrtarë të EULEX-it kanë bastisur banesat e ish-presidentit Hashim Thaçi dhe kryetarit të PDK-së, Kadri Veseli, një ditë pasi ata udhëtuan drejt Hagës. Kjo lëvizje vjen pas konfirmimit të aktakuzës për krime lufte ndaj Thaçit, Veselit, Selimit dhe Krasniqit.
Më 5 nëntor, Thaçi, Veseli, Krasniqi dhe Selimi u transferuan në qendrën e paraburgimit të Dhomave të Specializuara me seli në Hagë. Ndërkaq, Krasniqi u transferua atje dy ditë më parë, më 4 nëntor. Ministri i Punëve të Brendshme, Agim Veliu, ka folur në mbledhjen qeverisë, për aktakuzat e Speciales.
“Gatishmëria për bashkëpunim me prokurorinë speciale e të akuzuarve, vërteton pjekurinë politike dhe idealin që ka pasur lufta jonë”, ka thënë ai.
“Policia ka inkorporuar në planin e saj, përfshinë masat që kanë mbrojtjen e zonave në popullsi të përzier, në rast të ndonjë incidenti të mundshëm, por edhe plani që përmban të gjitha skenarët e mundshëm.
Policia ka vendosur që të gjitha mjetet për t’u përgjigjur në një situatë të mundshme, është rritur niveli i gatishmërisë. Nuk kemi asnjë dyshim që lufta ka qenë luftë, që ka mbrojtur vlerat më sublime”, tha ai.
