Mediat në Kosovë raportojnë se një i infektuar nga Lipjani akuzohet se përhapi koronavirusin.
Para dy javësh atij iu rekomandua që të izolohej në shtëpinë e tij në Lipjan, por duket se i prekuri me COVID-19 bëri të kundërtën.
14 ditë më vonë kanë rezultuar pozitivë me koronavirus mbi 20 familjarë dhe fqinj të tij.
12 prej tyre janë me vendbanim në Lipjan, e të tjerët në Pjetërshticë të Shtimes në mesin e të cilëve edhe një grua shtatzënë, shkruan “gazeta express”.
Shpërndarja e koronavirusit në këto dy komuna dyshohet se është pasojë e mosrespektimit të masës së izolimit.
