Përfundon procesi i votimit për zgjedhjet e jashtëzakonshme në Kosovë, të cilat u mbajtën pas dorëheqjes së ish-kryeministrit Ramush Haradinaj.
Në këto zgjedhje KQZ kishte çertifikuar 20 parti politike, 4 koalicione dhe një parti të pavarur. Nga 25 subjekte politike në garë, janë gjithsej 1068 kandidatë.
Votimet janë mbajtur në 895 qendra votimi me 2547 vendvotime në 38 komuna të Kosovës.
Ndërkohë, sipas një Exit Poll-it të realizuar nga Klan Kosova, që paraqet një anketim të votuesve pasi kanë dalë nga vendvotimet (pra jo një rezultat zyrtar), partitë politike në vend, në këto zgjedhje, janë renditur kështu:
1: LDK dhe Vetëvendosje me 30%
2: PDK me 22.28%
3: AAK-PSD me 10.58%
4: Nisma – AKR me 4.41%
Të tjera: 2.20%
