Kosova ka regjistruar 486 raste të reja me koronavirus, pas marrjes së 1,374 mostrave.
Instituti Kombëtar i Shëndetit Publik (IKSHPK) ka njoftuar se brenda 24 orëve janë shënuar 9 viktima.
Sipas të dhënave të këtij Instituti janë regjistruar edhe 30 raste që kanë mposhtur virusin, derisa raste aktive aktualisht janë 4,317.
Deri më tani në Kosovë, autoritetet shëndetësore kanë raportuar për 20,655 të prekur nga Covid-19, ku prej tyre 697 pacientë kanë vdekur.
