Ndeshja mes Zvicrës dhe Serbisë ka bërë bujë të madhe në mediat serbe pasi tek helvetët luajnë disa shqiptarë. Deklarata të lojtarëve dhe të drejtuesve dhe shkrime të ndryshme kanë ndezur këtë sfidë sikur të ishte një përballje direkte me Kosovën. Përballja në fjalë pritet më kërshëri nga ta gjithë tifozët shqiptarë në të gjitha trojet, por ndërkohë edhe Diaspora mbetet në të njëjtat parametra.
Emocionet e kësaj ndeshjeje kanë mbërritur edhe në Kosovë, ku flamuj të Zvicrës janë parë nëpër rrugët e fshatit ku ka lindur Xherdan Shaqiri, Zhegër. Kjo ka “egërsuar” menjëherë mediat serbe, të cilat nuk dinë të frenojnë kur është puna për Kosovën dhe provokimet e vogla, që mund të jenë të pranishme.
Disa nga titujt e medieve serbe janë si vijon: “Pamje shokuese në fshatin e lindjes së Shaqirit në Kosovë! Shqiptarët provokojnë ashpër serbët, në prag të ndeshjes me Zvicrën” Ndërkohë media tjetër, e njohur për shigjetimit të tilla shkon më tej, ndërsa shton se: Banorët vendës të këtij fshati e kanë bërë të qartë se sonte do të anojnë me zjarr kundër Serbisë”. Por me shqiptarët e Kosovës janë mediat nga Zvicra, të cilat shkruajnë se krahas etheve të tifozëve zviceranë, në të njëjtën linjë janë edhe miqtë tanë kosovare.
