Kosova ka regjistruar në 24 orët e fundit 21 raste të reja me koronavirus. 19 prej këtyre rasteve janë shënuar vetëm në qytetin e Prizrenit, ndërsa 2 rastet e tjera janë regjistruar në Suharekë.
Kështu shkon në 1,025 numri total i rasteve të konfirmuara me COVID-19 në Kosovë. Prej këtyre, 782 persona janë shëruar ndërsa 29 kanë humbur jetën.
Mbi 200 raste me koronavirus janë ende aktive në Kosovë.
Njoftimi i IKSHPK:
Sot në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 267 mostra të marra nga Klinika Infektive dhe gjurmimi i kontakteve të rasteve në terren me SARS-CoV-2, janë konfirmuar 21 raste.
Rastet pozitive janë raste kontakti nga: komuna e Prizrenit 19 raste (sipas vendbanimit: 15 raste Prizren, 1 rast Romajë, 1 rast Lubiçevë, 1 rast Kijevë dhe 1 rast Nashec) dhe nga komuna e Suharekës 2 raste (sipas vendbanimit:1 rast Bllacë dhe 1 rast Suharekë). Sot janë shëruar 10 pacientë derisa numri i përgjithshëm i të shëruarve deri më është gjithsej 782 raste.
Nga data 08 shkurt deri më 22 maj 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 12.818 persona të dyshimtë në virusin SARS-CoV-2 dhe prej tyre pozitive rezultojnë gjithsej 1.025 raste, me gjithsej 29 raste të vdekjes të cilët kanë pasur sëmundje të tjera shoqëruese.
