Përmbysja historike e kombëtares së Kosovës, me shifrat 2:1 përballë Çekisë ka ngritur në këmbë të gjithë shqiptarët, duke i bërë ata të ndihen mjaft krenar.
Urimet për këtë fitore të bujshme, nuk kanë munguar sa nga figurat kryesore të politikës. Pas urimit të presidentit Meta dhe kryeministrit Rama, edhe ish-kryeministri, Sali Berisha, ka përgëzuar futbollistët për triumfin në stadiumin “Fadil Vokrri” në Prishtinë.
Përmes një statusi në Facebook, Berisha shprehet se kombëtarja e Kosovës ia zbardhi faqen kombit, teksa e konsideron histori, faktin se skuadra prin tashmë grupin A, duke lënë pas ekipe si ai i Anglisë, Çekisë, Bullgarisë etj
Postimi i plotë:
Kosova ne krye, Lider i gupit A! Miq, sot kombetarja e Kosoves ia zbardhi faqen futbollit dhe kombit! Ajo triumfoi ne Prishtine dhe shkelqeu sot me dy golat te fantastike shenuara nga Muriqi dhe Vojvoda, me rezultatin 2:1 ndaj ekipit kombetar te Çekise.
Sot ekipi i Kosoves udheheq, i prin grupit A duke patur pas vetes ekipe si ai i Anglise, Cekise, Bullgarise etj, dhe kjo eshte histori! Nje pershendetje vellazerore gol shenuesve Muriqi dhe Vojvoda, kapitenit Muriqi dhe trajnierit Chalandes si dhe te gjithe ekipit te mrekullueshem te Kosoves qe po ngjitet me dinjitet dhe aftesi mahnitese drejt majave te futbollit te Europes dhe botes! Urime dhe Suksese me Angline! sb
