Kryeministri Edi Rama ka uruar shpalljen e pavarësisë së Kosovës. Me anë të një postimi në Facebook, ku shpërndan imazhe nga lufta e deri te shpallja e Kosovës shtet i pavarur, Rama shkruan:
“MIRËMËNGJES
Urime të gjithë shqiptarëve ditën e bekuar të pavarësisë së Kosovës”.
Sot Kosova feston 14-vjetorin e pavarësisë. Në këtë ditë të shënuar për shtetin fqinj, janë organizuar evente dhe ceremoni të ndryshme.
Presidentja Vjosa Osmani së bashku me kryeministrin e vendit, Albin Kurtin, do të bëjnë ngritjen e flamurit në oborrin e Qeverisë së Kosovës. Më pas ata të dy do të kryejnë homazhe te ‘Adem Jashari’.
Ngjarjet do të vijojnë deri në orën 18:30, ku do të mbahet koncerti i përbashkët i Ansamblit Kombëtar të Valleve të Kosovës dhe Shqipërisë.
