Pas një sërë sulmesh e presionesh, kreu i shtetit Ilir Meta ka arritur të sigurojë numrat e nevojshëm në Kushtetuese, për të shmangur shkarkimin. Gjykata Kushtetuese njoftoi se vendosi të shfuqizojë vendimin e marrë nga Kuvendi në qershor të vitit që lamë pas, duke i lënë Metës kurorën e presidentit deri më 24 korrik.
“Faktet e paraqitura si shkelje të nenit 86, pika 1, dhe nenit 89 të Kushtetutës, nuk përbëjnë shkelje të rënda të Kushtetutës. Nuk ka shkelje të rëndë të nenit 88, pika 3, të Kushtetutës, pasi: Faktet që lidhen me të drejtat në procesin zgjedhor nuk përbëjnë shkelje të rënda të Kushtetutës; Faktet që lidhen me marrëdhëniet me partnerët strategjikë nuk përbëjnë shkelje të Kushtetutës; Faktet e paraqitura si shkelje që lidhen me pavarësinë e organeve publike nuk përbëjnë shkelje të Kushtetutës; Faktet e paraqitura si shkelje të rendit dhe sigurisë publike nuk përbëjnë shkelje të Kushtetutës”, thuhet në vendimin paraprak të gjykatës, duke dëshmuar se triumfoi revolucioni i “2 marsit”.
Sipas saj, faktet e paraqitura si shkelje të nenit 94 të Kushtetutës nuk përbëjnë shkelje të Kushtetutës. “Për këto arsye, Gjykata Kushtetuese e Republikës së Shqipërisë, bazuar në nenet 90, pika 2 dhe 131, pika 1, shkronja “dh”, të Kushtetutës, si dhe nenin 63, pika 2, të ligjit nr. 8577, datë 10.02.2000 “Për organizimin dhe funksionimin e Gjykatës Kushtetuese të Republikës së Shqipërisë” të ndryshuar, vendosi: Shfuqizimin e vendimit nr. 55/2021, datë 09.06.2021 të Kuvendit të Shqipërisë “Për shkarkimin e Presidentit të Republikës së Shqipërisë për shkelje të rënda të Kushtetutës””, thuhet në njoftimin e gjykatës.
Deputeti i LSI-së, Petrit Vasili ka publikuar emrat e deputetëve të Kuvendit që firmosën për shkarkimin e Ilir Metës nga Presidenca.
Ja se çfarë ka shkruar Petrit Vasili:
“Mos i harroni asnje here keta…firmetaret!!
Jane ata, qe degjuan te çmendurin dhe si te shplare nga personaliteti, pa identitet dhe te neperkembur qe jane firmosen per shkarkimin e Presidentit Meta.
Ja ku i keni me emer me mbiemer dhe me firme keta te paturp.
U rrofte Edi Rama qe si gjithmone jua lë turpin ne dere ketyre budallenjve dhe vete nuk firmos!
Se Presidentit i moren te keqen!!”, përfundon ai.
