Ministrja e Shëndetësisë dhe Mbrojtjes Sociale, Ogerta Manastirliu ka publikuar shifrat e të vaksinuarve kundër koronavirusit në vend.
Manastirliu bën me dije, se mbi 13 mijë qytetarë u vaksinuan ditën e sotme, teksa janë kryer 1,123,253 vaksinime anticovid në të gjithë Shqipërinë, që nga fillimi i këtij procesi.
”Më shumë se 13 mijë qytetarë u vaksinuan sot, ndërsa janë 1,123,253 vaksinime të kryera që prej fillimit të këtij procesi jetik. Nëse jeni mbi 18 vjeç, shfrytëzoni fundjavën për t’u vaksinuar nga mëngjesi deri në 8 të mbrëmjes, në qendrat shëndetësore ose në qendrat e vaksinimit të përqëndruar kudo në vend. Shqipëria Buzëqesh”, shkruan Manastirliu në rrjetin social, Facebook.
Situata epidemiologjike në vendin tonë mbetet e qëndrueshme. Ministria e Shëndetësisë bën me dije se në 24 orët e fundit, janë regjistruar 31 raste të reja me Covid-19, nga 2.377 testime të kryera.
Të infektuarit kanë rezultuar në këto bashki: 7 raste në Tiranë, 6 raste në Elbasan, 5 raste në Skrapar, 3 raste ne Lushnje, 2 raste në Lezhë, Sarandë, 1 rast në Krujë, Fier, Has, Berat, Kamëz.
Ndërkohë, fatmirësisht nuk është shënuar asnjë viktimë. Po në 24 orët e fundit janë shëruar edhe 9 pacientë, duke e çuar numrin e të shëruarve në 130,118 që nga fillimi i epidemisë.
Në Spitalin Infektiv po marrin trajtim spitalor të specializuar 6 pacientë, teksa raste aktive mbeten 254.
Statistika (23 Korrik 2021)
Raste të reja ditore 31
Të shëruar në 24 orë 9
Të shtruar në spitale 6
Humbje jete në 24 orë 0
Testime ditore 2377
Testime totale 871,199
Raste pozitive 132,828
Raste të shëruara 130,118
Raste Aktive 254
Humbje jete 2,456
Shpërndarja gjeografike e rasteve aktive sipas qarqeve:
Tiranë 99
Vlorë 25
Elbasan 24
Durrës 23
Kukës 21
Lezhë 16
Shkodër 14
Fier 14
Berat 11
Korçë 6
Gjirokastër 1
