Varianti i ri i koronavirusit ka pushtuar Britaninë e Madhe. Në 24 orët e fundit, janë shënuar 1.325 viktima, shifra më e lartë ditore që nga fillimi i pandemisë.
Ndërkohë, është regjistruar dhe një numër rekord i të infektuarve, 68.053 raste pozitive. Numri total i rasteve pozitive që nga fillimi i pandemisë në Britani po shkon në rreth 3 milionë, ndërsa ai i viktimave në 79.833.
Spitalet janë të mbingarkuara, pasi vetën në atë të Londrës, se aktualisht kishte 7,034 pacientë me Covid-19, një rritje prej 35% krahasuar me kulmin e pandemisë në muajin prill, shkruan Daily Mail.
Pak ditë më parë, kryeministri britanik, Boris Johnson deklaroi se vendi do të futej në karantinë për herë të tretë, si pasojë e rritjes së madhe të numrit të të infektuarve dhe vikimave nga Covid-19. Izolimi do të zgjasë deri më 15 shkurt.
Në Britani, u shfaq një variant i ri i koronavirusit, i cili besohet të jetë 70% më ngjitës dhe ka vënë në alarm të gjithë botën, pasi është përhapur në shumë shtete.
