Kreu i Urgjencës Kombëtare, Skënder Bratajdeklaroi se ka një rritje të lehtë të të shtruarve në spitale, megjithatë situata epidemiologjike paraqitet e qëndrueshme.
Në një intervistë për ”Abc News”, Brataj tha se kjo ka të bëjë me efektet që do të sjellë grumbullimet e njerëzve përgjatë fushatës elektorale, ku dipas tij periudha nga 15-20 maj do të jetë në kontroll të vazhdueshëm.
Ndër të tjera, Brataj tha se stina e verës parashikohet të jetë më e qetë dhe Komiteti Teknik i Ekspertëve po shqyrton mundësinë për të lehtësuar masat kufizuese.
Skënder Brataj: ”Në këtë moment kërkohen 6-7 apo 10 tamponë që kërkohen. Ka një rritje të vogël, sot janë rreth 14 shtrime midis spitaleve Covid të kryeqyteti dhe atyre rajonale. Por qëndrimi është më i shkurtër dhe korrespondon me atë numër të ulët që rezulton akoma në spitalet. Kujdesi duhet të jetë dhe monitorimi vazhdon çdo ditë. Sidomos nga 15-20 maji do të jetë në kontroll për arsye të grumbullimit të njerëzve në fushata elektorale.
Po vlerësohen të gjitha masat dhe kuptohet që janë paralele dhe graduale. Sa më shumë të vaksinuar të kemi aq më shpejt do të shkojmë drejt eliminimit të masave që janë, kuptohet një nga një. Maskat, oraret, ora policore, aktivitetet e ndryshme, bizneset, lokalet, festat do të shihen të gjitha me radhë.”
