Shefi i Urgjencës Kombëtarre dhe anëtari i Komitetit të Ekspertëve, Skënder Brataj ka deklaruar se duke filluar nga dita e nesërme, do të ketë lehtësim të masave kundër koronavirusit.
I ftuar në emisionin ”Open”, Brataj u shpreh se masat do të lirohen por nuk do të hiqen tërësisht pasi do të rezultonte fatale.
Sipas tij, duhet hequr maska në ambientet e jashtme dhe duhet zgjatur ora policore.
Skënder Brataj: “Masat do të hiqen në mënyrë graduale se ndryshe do të ishte gabim fatal. Po të ishte për mua, do të ishte heqja e maskës. Moshat e vjetra nuk e heqin maskën sepse është kthyer në kulturë. Edhe orën policore do të duhet ta zgjasim. Për ta hequr fare nuk do të isha dakord. Ora e darkës dhe lokalet e natës na solli përhapje tek prindërit e adoleshentëve. Në atë orë rinia mblidhet, shkon kundër disa biznesve. Do të zgjaset por nuk do të hiqet komplet.”
Kurba e koronavirusit në vend mbetet e ulët pasi 24 orët e fundit janë regjistruar 14 raste të reja, nga 2.691 testime të kryera.
Ndërkohë, asnjë viktimë nuk është regjistruar brenda kësaj periudhe kohore, Po në 24 orët e fundit, janë shëruar edhe 81 pacientë, teksa raste aktive mbeten 819.
