Një situatë kaotike me koronavirusin është edhe në fushën e blertë. Futbolli është ndër fushat që nuk i ka shpëtuar pandemisë.
Klubi i njohur zviceran i Sionit, është ‘pushtuar’ nga koronavirusi, teksa në orët e vona të mbrëmjes klubi ka njoftuar se nga testet e kryera kanë rezultuar pozitiv 22 persona. 13 nga të infektuarit janë futbollistë të skuadrës së parë, ndërsa pjesa tjetër është nga stafi teknik.
Një lajm aspak i mirë ky për Sionin, që i është infektuar gjysma e lojtarëve që ka në skuadër. Referuar kësaj situate mjaft të rëndë, drejtuesit kanë kërkuar shtyrjen e ndeshjes së ardhshme me Luzernën, diçka që pritet të pranohet nga federata.
